Dy persona u vranë të martën në një sulm izraelit ndaj një automjeti që i përkiste grupit të Hezbollahut në fshatin e Damaskut pranë kufirit libanez.
“Të paktën dy persona u vranë dhe një u plagos në një sulm me dron izraelit në një makinë të Hezbollahut.
Makina ishte në shënjestër pranë një postblloku të ushtrisë siriane në kufi me Libanin”, tha Rami Abdel Rahman, kreu i Observatorit Sirian për të Drejtat e Njeriut.
Që kur shpërtheu lufta civile në Siri në vitin 2011, Izraeli ka kryer qindra sulme në vend, duke synuar kryesisht pozicionet e ushtrisë dhe luftëtarët e mbështetur nga Irani, duke përfshirë edhe Hezbollahun e Libanit.
Sulmet u intensifikuan pasi filloi lufta Izrael-Gaza më 7 tetor, duke vrarë të paktën 24 luftëtarë të Hezbollah në Siri.
/abcnews.al
