Suella Braverman i ka shpallur “luftë” avokatëve të cilët sajojnë kërkesa të rreme për azil kërkuesit. Gjatë muajve të fundit, një task forcë në sekret të plotë ka mbledhur të dhëna për kompani avokatore të cilët para-përgatisin historitë e rreme të azilkërkuesve, sipas Daily Mail.
Ekipet tona, deklaroi Suella Braverman janë duke punuar për të larguar të tillë avokatë emigracioni të korruptuar.
“Duhet të marrë fund abuzimi prej tyre me sistemin tonë të azil kërkimit dhe të mashtruarit e vendit tonë me aplikime të sajuara azili” theksoi Braverman.
Gjetjet për azil kërkim të sajuar prej avokatëve do ti kalojnë për hetim FBI-s angleze NCA dhe policisë.
“Avokatët mashtrues duhet të ndalohen dhe të vihen përpara drejtësisë. E ndërsa shumica avokatëve veprojnë ndershmërisht ka disa prej tyre të cilët dërgojnë aplikime azili të mbushura me gënjeshtra duke ndihmuar emigrantët që mbërrinë ilegalisht.
Qytetarët britanikë kërkojnë nga dhënien fund të emigrimit ilegal”, tha Suella Braverman Pavarësisht një sërë masash shtrënguese për të frenuar emigrimin ilegal përmes gomoneve shifrat tregojnë një panoramë pak të përmirësuar.
Simon Jones korrespondent i BBC për jugun e Anglisë thotë se deri më tani gjatë këtij viti me gomone ka ë mbërritur 15,000 person. Për të njëjtën periudhë të vitit të shkuar numri të emigrantëve ishte 17,785.
Kryeministria angleze 10 Downing Street ka publikuar këtë Twitter një ditë më parë, ku thotë se pas marrëveshjes me Shqipërinë, gjatë këtij viti numri shqiptarëve mbërritur me gomone ka rënë me 90%.
/abcnews.al
