Të paktën 87 persona, përfshirë anëtarë të fisit Masali, u gjetën në një varr masiv në Darfurin Perëndimor të Sudanit, tha sot agjencia e Kombeve të Bashkuara për të drejtat e njeriut.
Banorët vendas u detyruan të hidhnin trupat, duke përfshirë gra dhe fëmijë, pranë qytetit perëndimor të El Jenina midis 20 dhe 21 qershorit, thuhet në deklaratën e OKB-së.
Komisioneri i Lartë i Kombeve të Bashkuara për të Drejtat e Njeriut, Volker Turk bëri thirrje për një hetim të menjëhershëm të plotë. Dhuna e motivuar etnikisht është përshkallëzuar javët e fundit së bashku me luftën midis fraksioneve ushtarake rivale që shpërtheu në prill.
/abcnews.al
