Loading ...
Merkato ndryshon nga momenti në moment dhe surprizat nuk mungojnë asnjëherë. Luis Suarez do të largohet nga Barcelona dhe emri i tij u përfol për një kalim te Juventusi. Media të ndryshme raportuan arritjen e akordit mes agjentit të tij dhe bardhezinjve, por uruguaiani mund të mbesë në La Liga.
Sport.es citon se 33-vjeçari ka vendosur të pezullojë bisedimet me kampionët e Italisë. Vonesa e marrjes së pasaportës italiane ka dyzuar “El Pistolero”, i cili po vlerëson pa u nxituar të gjithë ofertat që ka marrë. Transferimi në Torino e tundon, por së fundmi ka marrë edhe një ofertë nga Atletico Madrid.
Diego Simeone e vlerëson shumë dhe është gati t’i besojë sulmin e ekipit të tij. Alvaro Morata është drejt largimit. Sulmuesi spanjoll mund të jetë goditja e Juventusit në merkato dhe Suarez pritet të niset drejt Madridit, aty ku e mirëpresin “Los Colchoneros”. /abcnews.al
