Lëshimi i raketës më të fuqishme ndonjëherë të NASA-s është vonuar për shkak të një stuhie tropikale që mund të shndërrohet në një uragan.
Raketa Artemis I Moon pritej të nisej nga Qendra Hapësinore Kennedy, në Florida, të martën.
Por shteti amerikan përballet me një kërcënim uragani pasi stuhia tropikale Ian është forcuar dhe mund t’i afrohet Floridës në fillim të javës së ardhshme si një uragan i madh.
Lëshimi i raketës tashmë është shtyrë dy herë.
Automjeti Space Launch System (SLS) është projektuar për të dërguar astronautët dhe pajisjet e tyre përsëri në Hënë pas një mungese prej 50 vitesh.
Lëshimi i tij i parë dështoi në fund të gushtit për shkak të defekteve teknike, ndërsa një përpjekje e dytë në fillim të shtatorit u pengua nga një rrjedhje karburanti.
Një vendim nëse do të kthehet raketa në vendin e saj të montimit do të merret nga ekipi i Artemis I të dielën.
Kjo do të ndodhte “për të lejuar mbledhjen dhe analizën e të dhënave shtesë”, tha NASA./Abcnews.al/
