Pas një periudhe festive të shënuar nga temperatura jashtëzakonisht të buta, Uashingtoni, por jo vetëm po përballen me një stuhi dimërore, me borë që çoi në mbylljen e disa shërbimeve federale, shkollave, pezullimin e shërbimeve të autobusëve duke shkaktuar probleme edhe në transportin ajror.
Heavy snow in downtown Birmingham. #ALwx @weswyattweather @jillgilardi pic.twitter.com/323Q5I54SD
— Brett Adair (@AlaStormTracker) January 3, 2022
Shtëpia e Bardhë ishte e mbuluar me një vello të bardhë, ashtu si kupola e Kapitolit, ndërsa në rrugë disa zgjodhën të bënin ski. Reshjet e borës arritën të paktën 18 cm në kryeqytetin e SHBA dhe mund të rriten deri në 25 cm paralajmëruan shërbimet meteorologjike, duke vënë Virxhinian në gatishmëri për një stuhi.
“Përgatituni për rrugë të mbuluara me borë dhe ngrica, të cilat do ta vështirësojnë trafikun” është mesazhi i autoriteteve për qytetarët. “Stuhia e dimrit me erëra të forta që shoqërojnë reshjet e dendura të borës, mund të shkaktojë gjithashtu stuhi bore dhe përmbytje të mundshme”, thanë ekspertët.
What a difference a few minutes can make!
We’re timing out Winter Storm #Frida NOW on The Weather Channel. pic.twitter.com/1QuK2bv74R
— The Weather Channel (@weatherchannel) January 3, 2022
Të paktën 440,000 familje u zhytën në errësirë në Virxhinia dhe 76,000 në Maryland, pasi pemët ranë në linjat e tensionit të lartë për shkak të peshës së borës. Shumë shkolla u mbyllën për shkak të borës në Uashington, Maryland dhe Virxhinia. Vetë presidenti Joe Biden u përball me motin e keq në kthimin e tij në kryeqytet pas një pushimi të shkurtër në Delaware.
Avioni Air Force One qëndroi në pistë për tridhjetë minuta për të lejuar ekuipazhin të pastronte borën, pas së cilës kolona presidenciale u detyrua të lëvizte me shpejtësi të ulët në rrugën e saj për në Shtëpinë e Bardhë.
Pres. Biden arrives aboard Air Force One to a snowy Joint Base Andrews.
More on the winter storm hitting the East Coast: https://t.co/xrgL59Heh2 pic.twitter.com/XHg6VcDbCC
— ABC News (@ABC) January 3, 2022
Stuhia e dimrit ka intensifikuar kaosin që prej javësh mbizotëron në aviacionin amerikan për shkak të përshkallëzimit të rasteve për shkak të variantit Omicron. Sot janë anuluar të paktën 2700 fluturime vendase apo ndërkombëtare për dhe nga SHBA, dje 2650 dhe të shtunën 2570 fluturime./ Abcnews.al
