Studimi: Simptomat e koronavirusit tek fëmijët nuk fillojnë gjithmonë me kollë

schedule10:51 - 12 Maj, 2020

schedule 10:51 - 12 Maj, 2020

Koronavirusi është një sëmundje që nuk njeh moshë dhe nuk kursen askën. E gjithë bota ndodhet në alarm dhetë gjithë ekspertët janë vënë në kërkim të studimeve të ndryshme që tregojnë simptomat e këtij virusi. Një studim më i fundit i realizuar në Kinë thekson se tek fëmijët simptomat e koronavirusit nuk fillojnë gjithmonë me një kollë.

Mediat ndërkombëtare bëjnë me dije se ekspertët pretendojnë se diarreja duhet të konsiderohen gjithashtu një shenjë paralajmëruese e hershme e Covid-19 tek fëmijët. Në kuadër të një studimi të zhvilluar në Kinë që është botuar në “Frontiers in Pediatrics”, thuhet se këto simptoma gastrointestinale mund të nënkuptojnë infeksionin që hyn në traktin tretës.

Shkencëtarët thonë se zbuluan se i njëjti lloj i receptorëve në qelizat e mushkërive të cilat synohen nga virusi mund të gjenden në zorrët. Autori i studimit, Dr Ëenbin Li, i departamentit të pediatrisë në Spitalin Tongji në Wuhan, tha: “Shumica e fëmijëve preken vetëm butësisht nga Covid-19 dhe disa raste të rënda shpesh kanë çështje themelore shëndetësore.

Për studimin, Dr Li dhe ekipi i tij analizuan tiparet klinike të fëmijëve të pranuar në spital me simptoma jo të frymëmarrjes, por më vonë u diagnostikuan me pneumoni dhe Covid-19.

Këta fëmijë po kërkonin këshilla mjekësore në departamentin e urgjencës për probleme të palidhura me koronavirusin, për shembull, njëri kishte një gur në veshka, një tjetër një traum në kokë.Të gjithë kishin pneumoni konfirmuar me skanimin e gjoksit më pas konfirmuam që kishin Covid-19. Ndërsa simptomat e tyre fillestare mund të kenë qenë të palidhura, ose simptomat e tyre Covid-19 ishin fillimisht të buta ose relativisht të fshehura para pranimit të tyre në spital, e rëndësishmja është se katër nga pesë rastet kishin simptoma të traktit digjestiv si manifestimi i parë i kësaj sëmundje,” është shprehur eksperti Dr Li.

Dr Li thotë se duke i theksuar këto raste, ai shpreson që mjekët të jenë në gjendje të përdorin informacionin për të diagnostikuar dhe izoluar shpejt pacientët me simptoma të ngjashme. Ky është një studim që pretendon që të ndihmojë në trajtimin e hershëm dhe zvogëlimin e transmetimit./abcnews.al