Një studim i kryer së fundmi ka treguar se qëndrimi jashtë në natyrë mund të zvogëlojë ndjenjën e vetmisë deri në 28 përqind. Vetmia konsiderohet një problem i madh i shëndetit publik dhe hulumtimet kanë zbuluar se mund të rrisë rrezikun e vdekjes më shumë sesa ndotja e ajrit dhe obeziteti.
Studimi është i pari që vlerëson se si mjedisi mund të ndikojë në vetminë. Ekspertët mblodhën të dhëna nga njerëzit që jetojnë në qytete të ndryshme duke përdorur një aplikacion, ku ata mund t’i përgjigjeshin pyetjeve mbi vetminë, mbipopullimin, mjedisin natyror dhe përfshirjen sociale.
Hulumtimi zbuloi se ndjenjat e mbipopullimit rrisin vetminë me një mesatare prej 39%. Por kur njerëzit ishin në gjendje të shihnin pemët, qiellin, ose të dëgjonin zogjtë, ndjenja e vetmisë ra me 28%. Studiuesit thanë: “Duhet të zbatohen masa specifike që rrisin përfshirjen sociale dhe kontaktin me natyrën, veçanërisht në qytetet me popullsi të dendur”. /abcnews.al
