Diamantet rozë janë jashtëzakonisht të rrallë dhe shumë të dëshiruar, një minierë në Australi, e cila tashmë e mbyllur ka qenë burimi i 90% të gurëve të çmuar me ngjyra. Diamantet rozë i përkisnin klasës më të lartë dhe mund të shiten për dhjetëra miliona dollarë. Por një zbulim i bërë në të njëjtën zonë mund të ndihmojë në zbulimin e depozitave të reja të bizhuterive, thonë studiuesit.
Shkencëtarët që studiojnë depozitën e diamantit Argyle të Australisë Perëndimore, ku ndodhej miniera, thanë se ata mund të kuptojnë më mirë kushtet gjeologjike të nevojshme për formimin e diamanteve rozë dhe varieteteve të tjera të ngjyrave, sipas një studimi të botuar të martën në revistën Nature Communications.
Duke përdorur lazer për të analizuar mineralet dhe shkëmbinjtë e nxjerrë nga depozitimi Argyle, studiuesit zbuluan se zona e pasur me diamant rozë u formua gjatë shpërbërjes së një superkontinenti të lashtë, të quajtur Nuna, rreth 1.3 miliardë vjet më parë.
“Ndërsa pas shpërbërjes së kontinentit u krijua Australia, dhe zona ku ndodhet Argyle krijoi boshllëqe në koren e Tokës që magma të dilte deri në sipërfaqe, duke krijuar diamante rozë,” tha autori kryesor i studimit Dr. Hugo Olierook, një studiues në Qendrën John de Laeter të Universitetit Curtin në Perth, Australi.
Zbulimi diamanteve rozë
Shumica e depozitave të diamanteve gjenden në mes të kontinenteve antike, brenda shkëmbinjve vullkanikë që kanë transportuar diamante nga thellësia e brendësisë së Tokës në sipërfaqe.
Megjithatë, që diamantet të marrin ngjyrë rozë ose të kuqe, ata duhet t’i nënshtrohen forcave intensive nga përplasja e pllakave tektonike, të cilat përdredhin dhe përkulin rrjetat e tyre kristalore. Shumica e diamanteve kafe gjithashtu formohen në këtë mënyrë.
Në Argyle, ky proces ndodhi rreth 1.8 miliardë vjet më parë kur Australia Perëndimore dhe Australia Veriore u përplasën, duke i kthyer në rozë diamantet që dikur ishin pa ngjyrë qindra milje nën koren e Tokës.
Por si dolën këto diamante me ngjyra drejt sipërfaqes? Ekipi hulumtues zbuloi se depozitat Argyle ishin 1.3 miliardë vjet të vjetra, nga një kohë kur një superkontinent i lashtë, i njohur si Nuna, po shpërbëhej në fragmente.
Superkontinentet, të cilat formohen kur disa kontinente bashkohen për të formuar një masë të vetme tokësore, janë shfaqur disa herë në historinë gjeologjike të Tokës.
Autorët propozuan që shpërbërja e Nunës mund të ketë rihapur pikën e vjetër që lanë pas kontinentet e përplasura, duke lejuar shkëmbinjtë që mbajnë diamant të udhëtojnë nëpër këtë rajon për të formuar depozitën e madhe të diamantit.
/abcnews.al
