Alkolizmi mund të jetë shkak i gjenetikës së personit. Të paktën në këtë përfundim kanë dalë disa kërkues shkencorë të Universitetit Yale, të cilët studiuan gjenet e 435 mijë europianëve dhe identifikuan 29 variante gjenesh të lidhura me varësinë ndaj alkolit.
Studimi gjithashtu zbuloi se gjenet e lidhura me alkoolin kanë shumë të ngjarë të kalonin në gjeneratën e ardhshme, për të cilën shkencëtarët thonë se demonstron “rëndësinë e tyre në funksionin biologjik”. Ata shqyrtuan ADN-në e personave që konsumojnë më shumë se 14 njësi alkoli në javë dhe se si këto gjene mund të ndikojnë tek të tjerët përmes një teknike të quajtur Randomizimi Mendelian, shkruan abcnews.al
“Kjo na ndihmon ne të kuptojmë lidhjet shkakore midis tipareve problematike të përdorimit të alkoolit, siç janë gjendjet psikiatrike, sjellja e marrjes së rrezikut dhe performanca konjitive”, tha Hang Zhou, shkencëtar i asociuar në kërkimin shkencor në psikiatri dhe autori kryesor i studimit.
“Me këto rezultate, ne gjithashtu mund të vlerësojmë rrezikun e nivelit individual për përdorimin problematik të alkoolit“, theksoi ai. Gjenet u studiuan gjithashtu për të identifikuar nëse alkoolistët ishin të predispozuar ndaj kushteve të tjera, siç janë depresioni dhe ankthi. /abcnews.al
