Struga vazhdon të qëndrojë e palëkundur në krye të renditjes së kampionatit maqedonas, ndërsa mori tri pikët në javën e 28-të, në transfertën e Makedonija GP. Skuadra e trajnerit Shpëtim Duro diktoi ritmin e sfidës, ndërsa ia doli të gjejë rrugën drejt rrjetës në minutën e 24’-t.
Ishte Ibraimi ai i cili gjeti rrugën drejt rrjetës në këtë takim dhe i dhuroi 3 pikët ekipit të tij, teksa pas kësaj përballjeje Makedonija GP renditet në vend të fundit me 25 pikë, ndërsa Struga kryeson renditjen me 58 pikë.
Ndërsa ndeshja Sileks-Shkupi u mbyll pa fitues dhe njëkohësisht pa gola. Pavarësisht tentativave nga të dyja skuadrat për të shënuar, në fund gjithçka u mbyll me barazimin 0-0. Pas kësaj jave Sileks renditet në vend të pestë me 38 pikë, teksa Shkupi në vend të dytë me 55 pikë. /i.m /abcnews.al
