Sekretari i Përgjithshëm i NATO-s, Jens Stoltenberg, tha se po pret me padurim ngritjen e flamurit të Finlandës në selinë e Aleancës pasi Turqia ratifikoi anëtarësimin e saj dhe shpreson të jetë në gjendje të mirëpresë Suedinë sa më shpejt të jetë e mundur.
Dy vendet nordike aplikuan së bashku për t’u bashkuar me NATO-n pas pushtimit rus të Ukrainës, por Turqia dhe Hungaria vazhdojnë të bllokojnë hyrjen e Suedisë.
“Mezi pres të ngre flamurin finlandez në selinë e NATO-s në ditët në vijim”, shkroi Jens Stoltenberg sot në Twitter përpara një takimi të ministrave të jashtëm të Aleancës që do të zhvillohet në Bruksel më 4-5 prill.
“Shpresoj të mirëpres Suedinë si një anëtare e plotë e familjes së NATO-s sa më shpejt të jetë e mundur,” shtoi ai.
/abcnews.al
