Merkato e Barcelonës është përqendruar në Serie A. Klubi katalanas pëlqen emra si Lautaro Martinez, Sandro Tonali, Luiz Felipe dhe Miralem Pjanic. Ky i fundit pritet të largohet nga Juventusi dhe sezonin e ardhshëm do e shohim në një skuadër me Leo Messin.
Gazzetta dello Sport raporton se mesfushori boshnjak ka pranuar oferën spanjolle dhe tani pret akordin mes dy klubeve. Juventusi kërkon Arthur në shkëmbim, por brazilini nuk dëshiron të largohet. Dy alternativat e tjera janë Arturo Vidal dhe Ivan Rakitic.
Asnjëri prej tyre nuk vlerësohet sa Pjanic (60 milion euro), por në këtë operacion mund të futen edhe emra si Semedo, Alena apo Emerson. Barcelona ka nisur sot stërvitjen. Të gjithë lojtarët i janë nënshtruar testeve të rrepta përpara fillimit të saj dhe, për fat të mirë, askush nuk ka qëllur pozitiv me COVID-19. /abcnews.al
