Në varrezat ‘Père Lachaise’ në Paris gjendet një varr që tërheq mijëra gra për një arsye paradoksale. Victor Noir ishte një gazetar që u qëllua dhe u vra. Pas vdekjes ai u bë i famshëm për varrin e tij dhe jo për punën e tij.
Statuja me përmasa reale e të ndjerit Noir, në pozën e një burri që sapo është qëlluar për vdekje, besohet se sjell sukses në dashuri, një jetë të mirë seksuale dhe fertilitet. Kjo është arsyeja pse buzët dhe zona gjenitale në pantallonat e skulpturës prej bronzi tani shkëlqejnë nga “fërkimi” i mijëra duarve (kryesisht vajza).
Në vitin 2004, rreth varrit u ndërtua një gardh për të penguar gratë të preknin statujën, por pas shumë protestave ajo u shkatërrua.
Victor Noir’s grave in Père – Lachaise cemetery by Patrick Magaud, 1984. Noir is perhaps more famous for his death and grave than work. He was a journalist who was shot dead; the grave consists of a full-sized bronze statue of the man lying down as if he had just been shot.
The… pic.twitter.com/Vr8tqT00W2
— Fascinating (@fasc1nate) December 19, 2023
Kush ishte Noir?
Victor Noir ishte një gazetar francez që vdiq në fund të shekullit të 19-të.
Noir jetoi në Paris dhe shkroi tekste politike, duke mbrojtur me pasion vlerat e tij demokratike. Në 1870, Princi Pierre Bonaparte e sfidoi atë në një përleshje me armë dhe në fund e vrau.
Në funeralin e tij në qytetin e tij të lindjes, Neuilly, ai u nderua si një luftëtar për demokracinë, me afro 100,000 njerëz që bënë nderimet e tyre dhe vizituan varrin e tij.
Në fund të shekullit të 19-të, pas themelimit të Republikës së Tretë Franceze, trupi i tij u transferua me nder në varrezat ‘Pere Lachaise’ në Paris dhe skulptori Jules Dalou skaliti një statujë në kujtim të tij./abcnews.al
