Pronari i një biznesi në Tiranë është arrestuar, pasi shfrytëzonte qendrën e masazheve për aktivitetin e kundërligjshëm të prostitucionit.
Ardit Buci 29 vjeç, administrator i qendrës së masazheve “Tulip” në rrugën “5 Maji” akuzohet për veprat penale “Shfrytëzimi i prostitucionit” dhe “Mbajtja e lokaleve për prostitucion”.
Gjithashtu, u procedua penalisht në gjendje të lirë shtetasja E. M., 37 vjeçe, për veprën penale “Prostitucioni”, e cila punonte në qendrën e masazheve “Tulip”.
Përveç aktivitetit të regjistruar ligjërisht si qendër masazhesh, në këtë ambient ushtrohej edhe aktiviteti i kundërligjshëm i prostitucionit.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
/abcnews.al/
