Legjenda e atletikës Dick Fosbury ka ndërruar jetë në moshën 76-vjeçare.
Fosbury revolucionarizoi kërcimin së larti pasi u bë atleti i parë që kërceu mbrapsht, me teknikën që përdoret ende sot dhe njihet globalisht si “Fosbury flop”.
Stili i kërcimit i dha atij një avnatazh të madh ndaj rivalëve të tij në Lojërat Olimpike të vitit 1968, ku fitoi medaljen e artë me një kërcim prej 2.24 metrash.
Katër vjet më vonë në Lojërat Olimpike të mynihut, 28 nga 40 konkurrentët përdorën stilin e tij. Më parë kërcyesit për së larti kishin përdorur një teknikë gërshërë, por inovacion i Fosbury e transformoi këtë sport.
Legjenda botërore e atletikës ndërroi jetë të dielën pas një beteje me limfomën./ h.ll/abcnews.al
