Loading ...
Dy të rinj nga Hong Kongu janë arrestuar pasi qëlluan me pistoletë të ujit ndaj policëve gjatë një ngjarjeje për të festuar Songkran, Vitin e Ri Thai. Në një video të publikuar në rrjete sociale, tregohet një burrë në të kuqe duke qëlluar me pistoletë uji ndaj dy policëve dhe gazetarëve të TVB, që konsiderohet pro-qeveritar.
Ministri i Sigurimit Chris Tang nuk e komentoi rastin gjatë një takimi të Këshillit Legjislativ, por tha se disa kanë bërë “rezistencë të butë” për të nxitur pakënaqësi kundër qeverisë.
Muajin e kaluar, policia arrestoi dy burra për posedim të librave për fëmijë që autoritetet i konsideruan si rebelë. Një billboard dixhital u hoq gjithashtu sepse përmbante referenca sekrete ndaj disidentëve vendas./abcnews.al
