Qindra fluturime në aeroportin “Palma de Mallorca” në Spanjë janë vonuar apo janë anuluar si pasojë e stuhisë së fortë. Pamjet e publikuara në rrjetet sociale tregojnë avionët e përmbytura ndërsa shiu i rrëmbyeshëm ka goditur ishullin.
Autoritetet përkatëse njoftuan se vetëm për të martën 100 nga më shumë se 900 fluturimet të planifikuara, duke përfshirë shumë fluturime për apo edhe nga Gatwick , Luton dhe Bristol, ishin prekur nga stuhia.
Në faqen e internetit thuhet: “Aeroporti Palma de Mallorca ka kufizuar përkohësisht funksionimin për shkak të ndikimit të një stuhie të fortë dhe ka aktivizuar planin e emergjencës për përmbytjet”.
Një video tregoi ujërat e shiut duke përmbytur një nga pistat e aeroportit, ndërsa një anëtar të stafit që zhytej në ujë për të treguar se sa thellë ishte. Një tjetër tregonte pasagjerët brenda terminalit duke u përpjekur të mbuloheshin pasi uji rridhte nga tavani.
Mediat lokale raportuan se autoritetet e emergjencës kishin regjistruar mbi 320 incidente në lidhje me motin që nga nata e së hënës.
View this post on Instagram
