Qeveria spanjolle pritet të falë nesër nëntë udhëheqësit e burgosur, në përpjekjen e dështuar të Katalonjës për pavarësi në 2017, tha Kryeministri Pedro Sanchez në një deklaratë sot.
Sidoqoftë, sipas sondazheve 60% e spanjollëve, si të gjitha partitë e opozitës, janë kundër lirimit të nëntë politikanëve dhe aktivistëve të burgosur në 2019 për rolin e tyre në ngjarjet kaotike dhe shpesh të dhunshme që çuan në krizën më të madhe politike në dekadat e fundit në Spanjë.
Me këtë veprim, Sanchez synon të zbusë tensionet në rajonin verilindor dhe të fillojë negociatat midis qeverisë qendrore dhe autoriteteve katalanase.
“Ato përpjekje nuk shërbyen për të zgjidhur asnjë problem,” tha Sanchez në një fjalim në Barcelonë ku morën pjesë rreth 300 anëtarë të shoqërisë civile katalanase. Për të arritur një marrëveshje, duhet bërë hapi i parë dhe qeveria spanjolle do të ndërmarrë këtë hap tani, përfundoi Sanchez./abcnews.al
