Kryeministri spanjoll Pedro Sanchez ka deklaruar ditën e hënë se ditët në vijim Spanja do të rihapë ambasadën e saj në Kiev.
“Rihapja do të jetë një shenjë e re e përkushtimit të qeverisë dhe shoqërisë spanjolle ndaj popullit ukrainas”, tha Sanchez në një intervistë për TV spanjoll Antena 3.
Spanja evakuoi ambasadën e saj në Kiev më 27 shkurt, menjëherë pasi filloi pushtimi rus në Ukrainë. Ajo i transferoi funksionet e saj në Varshavën fqinje.
Ndërkohë edhe Franca njoftoi javën e kaluar se ambasada e saj në Ukrainë do të kthehej “shumë shpejt” në Kiev nga Lviv, ndërsa Italia tha të shtunën se synon të rihapë ambasadën e saj në Kiev pas Pashkëve.
Bashkimi Evropian po rifillon gjithashtu praninë e tij diplomatike në Kiev, pasi e zhvendos atë përkohësisht në Poloni pas pushtimit rus të Ukrainës, njoftoi blloku të premten.
Sllovenia gjithashtu ka rihapur ambasadën e saj në Kiev që nga 28 marsi, sipas Ministrisë së Jashtme të Sllovenisë.
/Abcnews.al/
