Në prag të ndeshjes së nesërme ndaj Juventusit, trajneri i Napolit, Luciano Spalletti, u është përgjigjur pyetjeve të gazetarëve në sallën e konferencave të Qendrës Stërvitore Castel Volturno.
Siç thotë Allegri, a ka Napoli më shumë për të humbure se Juventus?
“Unë e kuptoj që për Allegrin është e leverdishme të luajë si aktor dytësor, por për një Juventus që është gjithmonë i mbushur me kampionë është e pamundur të fshihet nga roli favorit, disa investime shpërblehen vetëm duke luajtur për Scudetton dhe Champions League. Është e kotë të vendosësh një kapele apo mjekër false, Juventus nuk kënaqet me vendin e katërt.”
Kush duhet të ketë më shumë frikë?
“Kur vesh fanella kaq të rëndësishme, e shoh të vështirë të luash me frikë, askush nuk do të ketë frikë, ka lojtarë me personalitet dhe teknikë të fortë dhe të dy do të luajnë për të fituar dhe do të jetë një shfaqje e mrekullueshme”.
Pse është bërë e vështirë të shënosh kundër Juves?
“Ata rrëzohen para zonës së penalltisë, për ta është më e lehtë mbrojtja se sa sulmi. Por, unë i njoh lojtarët e mi, ata janë profesionistë dhe të talentuar. Nëse do të luajnë së bashku si një ekip, atëherë ata do ta vendosin në vështirësi ekipin kundërshtar.”/ h./ll/abcnews.al
