Napoli mori tre pikë të arta ndaj Milanit dhe renditet në vendin e dytë, me katër pikë më pak se Interi i vendit të parë. Pas ndeshjes foli trajneri Luciano Spalletti, i cili nuk kishte në dispozicion lojtarë të rëndësishëm dje ndaj kuqezinjve.
“Kur lojtarët vihen në dispozicion, ata tregojnë cilësi, janë të gatshëm të përballen dhe të stërviten në mënyrë serioze dhe korrekte. Dua të luftoj, dua të fitoj, dua të stërvitem: ky është mesazhi që ata dërgojnë gjatë gjithë kohës, edhe kur gjërat nuk shkojnë aq mirë.
Është e lehtë të reagosh sepse nuk e ulin nivelin profesional, kështu që ata janë komplimentuar dhe ndaj Milanit morëm më të mirën. Ne erdhëm këtu, bëmë një lojë karakteri, duke treguar se jemi një ekip që di të luajë në kushte të vështira.
Atyre iu nevojitej edhe pak substancë karakteri dhe sot e bënë shumë mirë. Duhet të mendojmë për të fituar ndeshjet pa parë se çfarë po bëjnë të tjerët, kampionati është ende shumë i gjatë”, tha mes të tjerash Spalletti. / abcnews.al
