Demokratët e vendosën dhe këtë të mërkurë në zbatim planin bllokues, të Komisionit që kryesohet prej tyre, ai për sterilizimin dhe check-up.
Nga të gjtihë vetëm kryetarja Albana Vokshi dhe Petrit Vasili erdhen, por me vonese, ndërsa socialisti Plarnet Ndreca e kishte kishte nisur me thirrjen e dëshmitarëve. Kjo acaroi demokraten Vokshi e cila nuk kurseu as fjalet e as veprat ndaj kolegut kundërshtar.
Dëshmitari ishte ndërkohë aty dhe pranë tij një punonjës garde, që Vokshi e urdhëronte për ta nxjerr jashtë.
Mes tensionit dëshmitarët filluan tu’ përgjigjeshin pyetjeve të socialistëve. Por ndërsa Vokshi po përballej në Kuvend, demokratët e tjerë u mblodhën në selinë e PD-së, për të vendosur për aktet e së enjtes.
Kreut të grupit, Gazment Bardhi njëkohësisht i shkoi njoftimi i SPAK, për atë që ai e quajti shantazh, për komunikim me elementë të dyshuar të botës së krimit.
SPAK thotë se nga verifikimet e deritanishme mesazhet e pretenduara se rrjedhin nga transkripte bisedash të kryera nëpërmjet SKY/ECC janë manipuluar duke sajuar biseda të pavërteta për individë dhe veprime të kundërligjshme.
Por Prokuroria e Posacme e shoqëroi përgjigjen dhe me një thirrje, që duket se shkon për të gjithë politikanët, perfshire Bardhin, që tregohen të kujdesshëm dhe të mos shpërndajnë materialet e paverifikuara.
