Kategoria e Parë është drejt verdikteve të fundit, teksa sot luhen plot 6 ndeshje. Në grupin B, Egnatia, e cila tashmë e ka siguruar ngjitjen në Kategorinë Superiore për sezonin e ardhshëm luan për statistikë në Berat ndaj Tomorit.
Kjo e fundit kërkon vendin e dytë, që të çon në Play Off dhe një fitore sot, ja mundëson diçka të tillë. Nga ana tjetër Pogradeci, 4 ikë pas beratasve sfidon Besën, e dalë nga çdo objektiv sezonal në stadiumin e Luzit, me kavajasit si vendas.
Po në grupin B, luhet sot në zonën Play Out, ku llogaritë janë mbyllur me kohë. Flamurtari, me probleme të mëdha financiare sfidon Lushnjën, që nuk pritet ta ketë të vështirë në Vlorë. Në ndeshjen tjetër, Turbina sfidon Elbasanin, me vetëm 4 pikë në gjithë sezonin dhe e rënë në të Dytën.
Sot luhet edhe në grupin A, në zonën Play Out. Partizani B, që ka mundur të mbijetojë në të Parën sfidon Besëlidhjen në një ndeshje mjaft të vështirë. Ndërkohë, Oriku sfidon Erzenin, me të dyja skuadrat, që e kanë siguruar qëndrimin. Të gjitha ndeshjet nisin në 15:00. /abcnews.al
