Në moshën 86-vjeçare, Sophia Loren ka një keqardhje në jetë. Aktorja italiane, e cila shënoi me sukses gjatë epokës së artë të Hollyood-it , do të luajë në filmin e ardhshëm me metrazh të gjatë të Netflix “The Life Ahead”. Ndërsa përgatitet për rikthimin e saj, ylli po reflekton në karrierën e saj prej dekadash.
Dhe pavarësisht të gjithë suksesit që Loren ka arritur gjatë viteve, ajo ka një keqardhje personale në jetë. “Është shumë e vështirë të thuash që nuk pendohesh. Në jetë, gjithmonë kalon kaq shumë përvoja, por unë gjithmonë jam përpjekur të jetoj pa u penduar.”, tha Loren për “Radio Times”.
“Mendoj se kam arritur një jetë të qetë. Kam gjithçka që kam dashur ndonjëherë, e cila është një familje e mrekullueshme me fëmijë të bukur dhe nipër e mbesa të bukura. E vetmja gjë për të cilën pendohem pak është se nuk jam martuar kurrë me një fustan të bardhë. Kjo ishte ëndrra e jetës sime, e cila është akoma brenda meje.”, shtoi më tej aktorja. /abcnews.al
