Sophia Loren do t’i rikthehet ekranit pas më shumë se një dekade. 86-vjeçarja do të luajë në dramën “The Life Ahead”, film që do të drejtohet nga djali i saj Edoardo Ponti.
“Kur djali im më propozoi rolin, ishte një ëndërr që u bë realitet. Më pëlqente ta portretizoja zonjën Rosa. Ajo është e ashpër, është e brishtë, është një e mbijetuar. Në shumë mënyra, ajo më kujton nënën time. ”, tha ylli i ekranit për Deadline.
Fituesja e Çmimit të Akademisë do të interpretojë një grua hebre dhe një të mbijetuar të Holokaustit që ndihmon në rritjen e fëmijëve të prostitutave. “The Life Ahead” pritet të mbajë një premierë botërore personalisht në Romë në fund të tetorit. xh.d/abcnews.al
