Manchester United nesër luan ndeshjen e tretë të grupeve të Champions League. Përballë janë turqit e Basaksehir dhe United vjen pas një ecurie perfekte në dy ndeshjet e para në këtë kompeticion.
Por humbja ndaj Arsenal në fundjavë i ka turbulluar ujërat dhe një nga legjendat e klubit, Roy Keane ka lëshuar kritika ndaj skuadrës për lojën dhe sjelljen në fushë.
Në fjalën e tij për Sky Sport, Solskjaer e respekton mendimin e Keane dhe mbron skuadrën. Sipas tij, nëse United nxjerr më të mirën e lojtarëve, mund të mundë të gjitha skuadrat e globit.
KRITIKAT E ROY KEANE – “Roy ka qenë gjithmonë i hapur. Jam shumë i lumtur për lojtarët që kam këtu me ne. Kemi punë të ndryshme. Detyra e Roy është të japë mendimin e tij. Unë gjithmonë e dëgjoj atë, por ne vazhdojmë këtu me një grup të shkëlqyer lojtarësh, një grup të fortë lojtarësh. Jam i sigurt që do të shohim një përgjigje të skuadrës”.
VAZHDIMËSIA – “Rezultatet e fundit në Champions League tregojnë cilësinë që kemi, por nuk do të shkojmë në eufori. Ne presim me padurim ndeshjen tjetër dhe vazhdojmë të punojmë për të marrë qëndrueshmëri sepse në nivelin tonë më të mirë, ne mund të mposhtim këdo. Kështu duhet të shkojmë në çdo ndeshje”.
MUNGESA E TIFOZËVE – “Unë mendoj se futbolli tani është vërtet i prekur nga virusi natyrisht dhe mjedisi nuk është siç është normalisht. Lojërat larg çdo kundërshtimi … në Turqi tifozët janë fanatikë, tifozë të pasionuar, tifozë entuziastë dhe sigurisht që të keni tifozë vendas me vete është një avantazh. Kjo është e provuar”, u shpreh Soslkjaer. /abcnews.al
