Manchester United ndodhet në formë të shkëlqyer dhe sot mori një tjetër fitore larg “OId Trafford”. Ekipi i Ole Solskjaer triumfoi 1-3 me përmbysje ndaj Aston Villa, ndeshje për të cilën flet trajneri norvegjez në prononcimin e dhënë për BBC Sport.
“Sot arritëm një rezultat të shkëlqyer, që do na ndihmojë të kemi më pak presion për dy ndeshjet e radhës, të cilat i luajmë kundër dy skuadrave të mira (Leicester City dhe Liverpool). Fitorja me përmbysje tregon karakterin e këtij ekipi.
Shfaqëm qëndrueshmëri, bindje dhe një gjendje të mirë fizike. Ka raste kur hasim vështirësi, sidomos kur udhëtojmë jashtë dhe rikthehemi pas një transfertë evropiane jo më herët se ora 5:00 e mëngjesit, për t’u nisur më pas drejt një tjetër transfertë.
Ky sezon ka qenë shumë i gjatë, por jam i kënaqur me të gjithë. Dëmtimi i Maguire? Shpresoj ta kemi të gatshëm për finalen e Europa League. Ka pësuar një ndrydhje, mund të jetë çështje javësh ose muaji, të shohim sa do na mungojë“, deklaroi Solskjaer. /abcnews.al
