Manchester United është gati për sfidën e dytë gjysmëfinale ndaj Romës. Ekipi i Ole Gunnar Solskjaer fitoi 6-2 në “Old Trafford” kundër verdhekuqve, duke hedhur një hap të sigurt drejt kalimit në finalen e madhe të Europa League
“Do të bëjmë disa ndryshime, por nuk ndihemi sikur kemi siguruar kalimin në finale. Roma realizoi një përmbysje të madhe kundër Barcelonës pak vite më parë“, deklaron trajneri norvegjez në lidhje me sfidën që do të luhet nesër në mbrëmje (21:00).
Më pas një koment për turin e forcës në këtë fund sezoni, protestat e tifozëve ndaj pronarëve të klubit dhe Edinson Cavanin, goleadorin e skuadrës. “Kemi një staf të shkëlqyer, kujdesemi edhe për ushqimin e lojtarëve dhe zakonet e tyre.
Bëjmë testime në lidhje me qëndrueshmërinë e djemve, pasi u duhet të luajnë rreth 50 ndeshje në sezon. Tifozët? Kam biseduar me pronarët, ata më kërkuan falje mua, e kanë bërë një gjë të tillë edhe kundrejt tifozëve.
Kam pasur gjithmonë një raport fantastik me ta, teksa tani më duhet të fokusohem vetëm te ndeshjet që do të luajmë. Sigurisht që të gjithë kanë të drejtë të protestojnë, por kurrë nuk duhet kaluar limitet.
Cavani? Kam pasur një bisedë interesante me të, por në fund vendos Edinson nëse do të qëndrojë me në apo do të largohet. Unë jam optimist në lidhje me rinovimin“, përfundoi trajneri i skuadrës angleze. /abcnews.al
