“Solidaritet për mjekët e infermierët”, Kryemadhi: Shqipëria është seriozisht përfshirë në pandemi

schedule20:46 - 11 Mars, 2020

schedule 20:46 - 11 Mars, 2020

Kryetarja e Lëvizjes Socialiste për Intergim Monika Kryemadhi ka theksuar se Shqipëria është seriozisht e përfshirë në pandemi.

Kryemadhi përmes një postimi në rrjetin social Facebook, shkruan se në këto momente duhet solidaritet me mjekët dhe infermierët.

Postimi i plote:

Organizata Botërore e Shëndetësisë sapo shpalli gjendjen e pandemisë nga koronavirus.

Shqipëria është seriozisht e përfshirë në pandemi dhe sot për fat të keq një qytetare humbi jetën. Natyrshëm ngushëllime e mia më të sinqerta shkojnë për familjen e së ndjerës. Kjo situatë kërkon solidaritet të të gjithë qytetarëve dhe vëmendjen më të lartë ndaj këshillave dhe rekomandimeve të mjekëve.

Është një moment që kërkon sakrificë, të cilës askush nuk mund ti shmanget, por të gjithë jemi të bindur se në këtë mënyrë do t’ja dalim ta kapërcejmë me sa më pak dëme situatën e pandemisë. Të vlerësojmë çdo moment, të dëgjojmë çdo rekomandim, të zbatojmë çdo këshillë dhe situata do të jetë e kapërcyer.

Të kujdesemi për veten, sepse kështu kujdesemi edhe për personat e tjerë të familjes. Solidaritet dhe mbështetje me gjithë zemër për mjekët, infermierët, sanitarët, inspektorët e shëndetit publik, epidemiologët dhe të gjithë forcat që po përballen me vetëmohim dhe sakrificë me pandeminë.

Respekt pafund për ta!/abcnews.al