Sllovenia ka deklaruar se një nga imazhet që Rusia përdori për të pretenduar se Ukraina po planifikon të shpërthejë një “bombë të pistë”, ishte një foto e vjetër e detektorëve të tymit të bërë në Slloveni.
“Fotografia e përdorur nga Ministria e Jashtme ruse në postimin e saj në Twitter është një foto ARAO (agjensia sllovene e menaxhimit të mbetjeve bërthamore) e vitit 2010”, tha Dragan Barbutovski, një këshilltar i kryeministrit slloven Robert Golob, për agjencinë e lajmeve AFP.
Photo, used by the Russian Foreign Ministry in its Twitter post (https://t.co/C9ty3hU3Ef) is an ARAO photo from 2010. pic.twitter.com/1f1DynuvFR
— Slovenian Government (@govSlovenia) October 25, 2022
Ai shtoi se fotografia ishte keqpërdorur dhe përdorur pa dijeninë e ARAO.
Moska tha se Ukraina pothuajse kishte përfunduar zhvillimin e një “bombe të pistë”, pasi ministri rus i mbrojtjes në telefonatat me homologët e NATO-s pretendoi se forcat e Kievit po planifikonin të vendosnin armën. Kievi e mohoi pretendimin. /abcnews.al
