Mesfushori i Real Madrid, Luka Modric, ka folur për mediet iberike pas fitimit të titullit kampion në La Liga, duke i thurur elozhe strategut Zidane dhe duke mos harruar të thumbojë dhe Cristiano Ronaldon.
“Zidane ka konfirmuar klasin e tij. Është një njeri superior. Ka rikrijuar një atmosferë fantastike, brenda dhe jashtë skuadrës. Na jep qetësi. Është një nga më të mirët e historisë së Realit dhe është argëtuese që ka nga ata që e vënë në diskutim.
Nuk është e nevojshme të diskutohet rëndësia që ka pasur Cristiano për Madridin, por nuk kemi pasur dyshime se do të fitonim edhe pa atë, sepse skuadra është gjithmonë mbi gjithçka, pavarësisht nga forca e individit”, u shpreh Modric./abcnews.al
