Lajmi për anulimin e vizës së Novak Djokovic, tenistit më të mirë në botë për meshkuj, pushtoi të gjitha mediat sociale. Tenistit iu ndalua hyrja në Australi, pasi sipas rregullave të miratuara nga qeveria personat që nuk janë vaksinuar kundër Covid-19, nuk mund të hyjnë në vend. Por Djokovic, i cili tha në vitin 2020 se ishte “kundër vaksinimit”, dëshiron të mbrojë titullin e tij në Australian Open, i cili fillon më 17 janar.
Mbetet e paqartë nëse ai do të arrijë të pjesë pjesë e garës. Kryeministri i Australisë, pas një pritjeje prej disa orësh në aeroportin e Melburnit, tha se viza e Djokovic ishte anuluar. Sipas informacioneve të mbledhura nga The Economist, meshkujt që konkurrojnë në sporte profesionale të nivelit më të lartë kanë më shumë gjasa të vaksinohen sesa popullsia e përgjithshme e vendit të tyre.
Liga Kombëtare e Hokejve të Amerikës ka shkallën më të lartë të vaksinimit midis 11 ligave dhe shoqatave për të cilat The Economist mblodhi të dhëna. Sipas të dhënave, 99% e rreth 700 lojtarëve të tij janë vaksinuar plotësisht, në krahasim me 73% të të rriturve amerikanë. 11 garat sportive mund të ndahen në tre grupe të veçanta. Dy sporte që zhvillohen në ambiente të mbyllura – basketbolli dhe hokej mbi akull kanë një shkallë mesatare të vaksinimit prej 98%, raporton abcnews.al
Meqenëse sëmundja përhapet më lehtë në ambiente të mbyllura, vaksinimi është i nevojshëm si për lojtarët ashtu edhe për tifozët. Sportet që zhvillohen në ambiente të jashtme si futbolli kanë një shkallë vaksinimi prej 94%, mesatarisht. Dhe për tre sportet e tjera si golfi, tenisi dhe bejsbolli që luhen individualisht ose kanë më pak kontakte me njerëz, shkalla e vaksinimit është 88%.
Covid-19 po shkakton më shumë problematika në disa sporte. Më 20 dhjetor, Premier League në Angli tha se 84% e lojtarëve kishin marrë të paktën një dozë të vaksinës, një proporcion dukshëm më i ulët në krahasim me ligat e tjera të futbollit të nivelit të lartë në Europë.
Ndërsa varianti Omicron u përhap me shpejtësi në të gjithë Anglinë muajin e kaluar, disa klube u detyruan të shtyjnë ndeshjet sepse shumica e lojtarëve ishin të infektuar me Covid. Midis 20 skuadrave të ligës, 341 lojtarë dhe stafi kanë rezultuar pozitivë që nga 29 nëntori dhe 17 ndeshje janë shtyrë. Ndërsa në katër ligat e tjera kryesore europiane vetëm dy ndeshje janë shtyrë për shkak të Covid-19 që nga nëntori, raporton abcnews.al
Tenisi, një sport pa kontakte që zhvillohet kryesisht në ambientet e jashtme, është më pak i rrezikshëm. Por Shoqata e Profesionistëve të Tenisit (ATP), u ka bërë thirrje lojtarëve që të vaksinohen.
ATP raportoi në fund të tetorit se vetëm 65% e lojtarëve të saj kryesorë ishin vaksinuar plotësisht, por që atëherë kjo normë është rritur në 95%. Megjithatë, hezitimi për tu vaksinuar i tenistit me famë botërore, si një tenist është i jashtëzakonshëm, por si një serb nuk është.
Pavarësisht se Serbia nuk është përballur me mungesë të vaksinave, vetëm 45% e të rriturve kanë marrë të dy dozat. Ndërkohë, vendi është një nga më të prekurit nga Covid. Sipas The Economist, Serbia ka numrin e dytë më të lartë të viktimave në botë për popullsi.
Prandaj hezitimi Djokovic për tu vaksinuar mund t’i kushtojë jetën bashkatdhetarëve të tij.
/abcnews.al
