Pas skandalit të zbuluar në Bruksel, nënkryetarja e Parlamentit Europian, Eva Kaili është pezulluar nga detyra. Mbrëmjen e sotme kryetarja e Parlamentit Evropian, Roberta Metsola, i dërgoi një letër eurodeputetes greke ku i njoftonte se po e largonte nga detyra në vazhdën e hetimeve.
Vendimi i saj ka efekt të menjëhershëm.
Lexo edhe: Valixhe me para në shtëpi dhe makinë, thriller me fatin e eurodeputetes greke: Brukseli po zien nga historia e korrupsionit
“Në dritën e hetimeve gjyqësore në vazhdim, kam vendosur të pezulloj me efekt të menjëhershëm të gjitha kompetencat dhe detyrat që ju kam caktuar në cilësinë tuaj si Zëvendës Presidente e Parlamentit Europian”, thotë ajo.
Siç tha eurodeputeti dhe nënkryetari i Parlamentit Evropian, Dimitris Papadimoulis, procedurat për largimin përfundimtar të saj nga Byroja e PE-së janë duke u përshpejtuar.
Η @EP_President Ρομπέρτα Μέτσολα με απόφαση της, που μόλις μας κοινοποιήθηκε, αναστέλλει-με άμεση εφαρμογή-όλες τις αρμοδιότητες που είχε αναθέσει στην Αντιπρόεδρο του @Europarl_EN Εύα #Καιλη. Επισπεύδονται οι διαδικασίες για την οριστική καθαίρεση της από το Προεδρείο του ΕΚ.
— Dim. Papadimoulis (@papadimoulis) December 10, 2022
Për largimin e Eva Kailit, Konferenca e Kryetarëve duhet të mblidhet me shumicë 60% dhe 2/3 e seancës plenare duhet të miratojë vendimin. /Abcnews.al/
