Sizmologë nga Shqipëria dhe rajoni thonë se Shqipëria duhet të rinovojë me emergjencë kodet dhe hartën ekzistuese sizmike, që është në fuqi nga viti 1989.
Shqipëria e ka të domosdoshëm krijimin e një kodi të ri sizmik, pasi prej 31 vitesh ai nuk është rinovuar sipas drejtuesit të njësisë sizmiologjike pranë Akademisë së shkencave Shyqyri Aliaj.
Specialisti grek thotë se Shqipëria është një ndër vendet me rrezikshmëri sizmike të lartë në rajon ndaj rinovimi i hartave sizmike duhet të bëhet të paktën një herë në 5 vite.
Spyros Pavlides thotë se Shqipëria në fazën e rindërtimit duhet të përdorë eurokodin 8, por nga na tjetër duhet të ketë edhe kodet e veta të përshtatshme me terrenin ndërtues.
Pas krijimit të njësisë sizmike në Akademinë e shkencave u realizua mbledhja e parë me ekspertë të fushës së sizmologjisë dhe përfaqësues të institucioneve sizmike të Shqipërisë, Kosovës, Maqedonisë së Veriut, Greqisë dhe të Malit te Zi, në lidhje me ndërmarrjen e hapave të mëtejshëm pas tërmetit të datës 26 nëntor 2019./abcnews.al
