Dinamo do të përballet me Vllazninë në “Loro Boriçi” për të luajtur ndeshjen e javës së 23-të të Abissnet Superiores, ora 16:45.
Blutë e Bledar Devollit i kanë dhënë fund përgatitjeve për këtë përballje, ndërsa gjendja e vështirë në të cilën ndodhen për shkak të rezultateve negative ka “detyruar” presidentin e Dinamos të zbresë në fushën e lojës.
Kreu i klubit dinamovit ka ndjekur nga afër seancën stërvitore, ku ka mbajtur edhe një fjalim të shkurtër para lojtarëve.
“Dinamo vijon përgatitjet për ndeshjen ndaj Vllaznisë, e cila luhet ditën e nesërme në “Loro Boriçi. Presidenti Adrian Bardhi ka zbritur në fushë për të takuar skuadrën në fillim të seancës stërvitore, duke shprehur mbështetjen e tij të plotë për 18 herë kampionët e vendit.
Pasditen e sotme skuadra do të grumbullohet në qytetin e Shkodrës në prag të sfidës kundër skuadrës kuqeblu”, shkruhej në njoftimin e klubit dinamovit.
/f.a/abcnews.al
