Komisioni I ekonomisë dhe Financave në mbledhjen e parë për këtë vit ka vendosur të therrasë në një seancë grupet e interesit për të sqaruar se si po zbatohet sistemi bonus –malus.Ky sistem ka nisur të aplikohet për të përllogaritur siguracionin e automjeteve që prej 1 janarit por deputeti Erjon Braçe theksoi se ka pasur një sërë shqetësismesh për mënyrën se si po aplikohet
Kreu i komisionit të ekonomisë tha se do të ftohet të gjitha palët për të bërë transparencë mbi cështjen.
Përmes sistemit bonus-malus të ‘penalizuar’ janë drejtuesit problematikë të mjeteve, të cilët kanë historik negativ me aksidentet, pasi do të paguajnë paguajnë më shumë për sigurimin e makinës. Kurse shoferët e rregullt, do të përfitojnë sigurim më të lirë. Në përllogaritjen e primit të sigurimit përveç historikut të aksidenteve do të merret në konsideratë edhe Fuqia motorike, mosha e shoferit, eksperienca e tij në drejtimin e makinës, përdorimi i mjetit, qarku i regjistrimit të mjetit si dhe vjetërsia e makinës./abcnews.al
