Gareth Bale është pjesë e Real Madrid prej verës së vitit 2013 dhe ka fituar gjithçka me ”gjigantin” spanjoll. Plot 13 trofe ka ngritur në qiell 30-vjeçari uellsian, i cili nuk ia ka dalë të bëhet lideri i Realit pas largimit të Cristiano Ronaldos.
Problemet fizike, dëmtimet e shpeshta dhe raporti aspak i mirë më trajnerin Zidane, kanë ndikuar në rendimentin e lojtarit offensive. Bale ka edhe dy vite kontratë me “Los Blancos”, teksa zbulon për Telegraph se ka plane të tjera që nuk lidhen me futbollin.
“Do të përuroj Par59, një restorant ku njerëzit mund të vijnë për të pirë diçka dhe për të luajtur golf. Nuk do të luaj gjithë jetën futboll. Tërheqjen time nga futbolli e imagjinoj në një fushë golfi”, deklaron Bale. /abcnews.al
