Sindikata e Futbollistëve Profesionistë Shqiptarë ka njoftuar se ka nisur procedurat për t’u anëtarësuar në FIFPro, çka i jep më shumë forcë kësaj organizate të krijuar së fundit për të mbrojtur të drejtat e futbollistëve në vend.
“Të nderuar miq dhe dashamirës. Dua t’ju njoftoj se sot, pas komukimimeve intesive që kemi patur me FIFPro, është pranuar kërkesa e Sindikatës së Futbollistëve Profesionistë Shqiptarë për të aplikuar për antaresim në këtë organizatë, duke na caktuar edhe detyrat që ne duhet të kryejmë.
Sigurisht që mbrojtja e të drejtave të futbollistëve shqiptarë nga sot futet në një dimension tjetër, pasi nuk do të jetë vetëm Sindikata jonë ajo që do të mbrojë këto të drejta, por së shpejti edhe FIFPro.
Shumë shpejt të gjitha problemet me të cilat përballen futbollistët shqiptarë, si pagat, siguracionet etj, do t’i behen prezente FIFPro dhe në këtë menyre edhe zgjidhja e tyre mendoj se do të jetë me e lehtë.
Si të gjithë kolegët e tyre në mbarë botën edhe futbollistët shqiptarë do të marrin në dorë zgjidhjen e problemeve të tyre”, shkruhet në njoftimin e Sindikatës së Futbollistëve Profesionistë Shqiptarë. /abcnews.al
https://www.instagram.com/p/B-MoNc1J8UD/?igshid=1rlw6p0jcxbax
