Martin Braithwaite nuk e kishte pritur kurrë një ftesë nga Barcelona, por ndodh që ëndrrat të realizon në futboll. Sulmuesi danez u transferua te Leganes verën e kaluar, ndërsa tani po aktivizohet në një skuadër me Leo Messin.
28-vjeçari tregon për Marca se si e priti lajmin e madh dhe kush ishte veprimi i parë që bëri. Kalimin te skuadra katalanase e mbajti sekret derisa transferimi u kompletuar, teksa ambiciet e sulmuesit potent janë të mëdha.
“Kur më thanë që Barcelona po interesohet për mua, nuk ia tregova askujt. U lumturova shumë, por doja që transferimi të kryhej 100%. Menjëherë fillova të shikoj video të Barcelonës, për t’u mësuar me lojën e skuadrës dhe lëvizjet e lojtarëve.
Erdha këtu në momentin perfekt dhe kam përkrah lojtarë shumë të aftë. Është më e lehtë të luaj këtu sesa te Leganes. Unë dua të qëndroj gjatë te Barcelona, dua ta mbaj veshur për shumë vite këtë fanellë“, përfundon sulmuesi viking. /abcnews.al
