Si ranë në grackë palestinezët: Izraeli i mashtroi me një postim në Twitter, i bllokoi në tunele dhe i bombardoi

schedule08:27 - 15 Maj, 2021

schedule 08:27 - 15 Maj, 2021

Forcat e Armatosura Izraelite duket se kanë përdorur Twitter-in si një mjet kundër kundërshtarëve për t’i futur në grackë këta të fundit. Me një postim mashtrues, ata i çuan trupat në tunele, të cilat më pas u bombarduan nga ushtria izraelite.

Tweteri i IDF dha përshtypjen se ushtria izraelite kishte hyrë në Rripin e Gazës. Media raportoi se ofensiva tokësore kishte filluar, që Izraeli kishte njoftuar se ishte duke u përgatitur.

Hamas duke parë raportet, dërgoi vijën e parë të mbrojtjes në tunele, në mënyrë që të marrë pozicione, siç është raportuar nga Jerusalem Post, përcjell abcnews.al.

“Trupat ajrore dhe tokësore të Forcave të Armatosura Izraelite aktualisht po sulmojnë Rripin e Gazës,” thuhej në një postim në rrjetin social, që ishte shkruar në anglisht, duke bërë që shumë njerëz të besojnë se një sulm tokësor ishte nisur mbi enklavën palestineze.

Në hebraisht, postimi ishte gjithashtu i paqartë, por më specifik, pasi njoftoi sulme të rënda në Gaza, me forcat tokësore që filluan një breshëri zjarri por pa hyrje të trupave, njoftoi Jerusalem Post.

Operacioni tokësor ishte njoftuar paraprakisht. Përgjatë kufirit, forcat tokësore filluan të mblidheshin në orën 21:00, natën e kaluar. Më herët, Forcat e Armatosura Izraelite njoftuan se një operacion tokësor ishte një mundësi e vlefshme për fazën tjetër, ndërsa ushtria goditi objektivat e Hamasit.

Lexo edhe: Foshnja i mbijeton sulmit izraelit në kapim e refugjatëve në Gaza, Hamasi: Ky është krim lufte

Kryeministri izraelit Benjamin Netanyahu gjithashtu la të kuptohet për një përshkallëzim të mundshëm, duke thënë se veprime të mëtejshme do të ndërmerren kundër Hamasit.

Pezullimi i ushtrisë izraelite dha alarmin në mediat kryesore në të gjithë botën, pasi u pa si një njoftim që Tel Aviv kishte dërguar forca tokësore në Gaza. Sidoqoftë, ajo që po ndodhte me të vërtetë, sipas Jerusalem Post, ishte se ushtria izraelite nga ajri, me 160 aeroplanë, bombardoi tunele, të cilat ata i quajnë “Metro” e Hamasit, ku ruhen armët dhe pajisjet.

Ata hynë në rrjetin nëntokësor dhe u bombarduam nga avionët izraelitë. Rrjeti nëntokësor me tuneleve është ndërtuar pas vitit 2014 të luftës në Rripin e Gazës.

Xhihadi dërgoi luftëtarë të armatosur me raketa anti-tank për t’u përgatitur për pushtimin që nuk erdhi kurrë. Sapo hynë në tunele, ata ranë në grackën e avionëve ushtarakë izraelitë, ndërsa ende nuk dihet se sa u vranë.

Një reporter i Israel Times i tha zëdhënësit të ushtrisë në Twitter se nuk kishte trupa izraelite në Gaza. Sipas gazetarit, trupat, tanket dhe armët ishin afër kufirit, por nga pala izraelite. g.v/abcnews.al