Ndërsa Britania e Madhe mban zi për vdekjen e Mbretëreshës Elizabeth, Princi dhe Princesha e Uellsit kanë zbuluar se çfarë po bëjnë për të ndihmuar tre fëmijët e tyre të përballen me pikëllimin e stërgjyshes së tyre. Duke u shfaqur jashtë kështjellës Windsor të dielën e kaluar, ata u zbuluan disa shikuesve se si po përballen me trazirat që vdekja e Mbretëreshës ka shkaktuar në familjen e tyre.
Princi George, 9 vjeç, Princesha Charlotte, 7 dhe Princi Louis, 4, sigurisht që nuk e prisnin që dita e tyre e parë në shkollën e tyre të re, Lambrook, më 8 shtator të prishej nga vdekja e papritur e stërgjyshes së tyre. Megjithatë, prindërit e dashur sigurojnë që t’i ngushëllojnë fëmijët e tyre në mënyrat e mëposhtme:
Ata ruajnë rutinën e tyre
Çifti mbretëror kanë zgjedhur të vazhdojnë t’i dërgojnë fëmijët në shkollën e tyre. Në këtë mënyrë, siç rrëfeu Princi William para një fansi, ata “ruanin një ndjenjë vazhdimësie” dhe një “normalitet” në jetën e tyre të përditshme.
Qentë e tyre janë me ta
Kafshët janë vërtetuar se ndihmojnë njerëzit në periudha shumë të vështira në jetë, siç është periudha zie. Dhe është e sigurt që Princi George, Princesha Charlotte dhe Princi Louis janë afër qenushit të tyre të dashur të quajtur Orla.
Ata flasin për familjarë të tjerë që kanë ndërruar jetë
Gjatë paraqitjes së tij jashtë kështjellës Windsor, Princi William zbuloi se si u ngushëllua nga djali i tij më i vogël, Princi Louis. “Louis ishte shumë i ëmbël për mua. Më tha që gjyshja është me stërgjyshin tonë tani”. Ekspertët thonë se fëmijët nga 6 deri në 11 vjeç e kuptojnë se vdekja është një fakt i pakthyeshëm dhe mund të shqetësohen për humbjen e anëtarëve të tjerë të familjes. Madje, ata raportojnë se ngushëllimi i tyre i jep fëmijëve imazhin e njerëzve të dashur që po vdesin duke u takuar me të dashurit e tjerë që kanë ndërruar jetë./abcnews.al
