Për javë të tëra, banorët e Mariupolit kanë qenë në sulmin e vazhdueshëm të forcave ruse. Pjesën më të madhe të kohës e kalonin në strehimore, pa energji elektrike apo gaz, dhe shumë pak ushqim dhe ujë, sipas BBC.
Dhjetëra mijëra që janë zhvendosur në qytetet anembanë Ukrainës, po tregojnë histori të mbijetesës së luftës dhe arratisjeve të tyre dramatike.
Por si po e përballojnë fëmijët traumën e shkaktuar nga lufta?
Hanna Chasovnykova, një psikologe, po ndihmon familjet që kanë ikur nga Mariupol në Dnipro. Në seancat e terapisë, fëmijëve u thuhet të vizatojnë gjëra që kanë parë në qytetin e tyre.
“Kur fëmijët kalojnë përvoja të dhimbshme, ata zakonisht pikturojnë me ngjyra të errëta.
Shumica e vizatimeve të tyre janë me ngjyra të zezë,” thotë ajo.
“Kjo vajzë tetë vjeçare pa se si forcat ruse qëlluan nga një tank duke shkatërruar shtëpinë e gjyshes së saj. Një pjesë e ushtrimit është që vizatimet t’i bëjnë më shumë ngjyra. Kështu ajo shtoi barin dhe diellin.
Dhe kur vizatoi tankun,ajo pikturoi edhe flamurin e Ukrainës,”thotë Chasovnykova.
“Në rastin e një djali nëntë vjeçar, familja kalonte shumë kohë në një bodrum, ai kishte frikë nga bombat dhe raketat, ata nuk kishin shumë për të ngrënë, kështu që shqetësimi i tij kryesor ishte ushqimi.
Në fillim vizatimi ishte bosh, më pas shtoi diellin, barin dhe lulet dhe avionët i ktheu në zogj, të cilët hidhnin vezë nga qielli.
“Ai shtoi gjithashtu pyrizhky [një simite ukrainase] në shportë. Ai po i çonte te gjyshja e tij, e cila nuk mund të largohej nga Mariupol. Nëse shikoni mënyrën se si vizatoi sytë, shihni se janë të mëdhenj, që është një shenjë frike. ”
“Kjo vajzë 11-vjeçare u plagos në kokë dhe dorë nga predhat pas një sulmi me bombë. Ajo tani ka frikë të dalë jashtë sepse mendon se bombat do të bien nga qielli. Ajo gjithashtu ka frikë nga zhurmat e forta. Dy prej miqve të saj kanë vdekur në Mariupol”.
“Familja e këtij djali shtatëvjeçar qëndroi për një kohë të gjatë në Mariupol. Kur ata u larguan, panë shumë shtëpi të djegura. Më pas ai vizatoi një X mbi një raketë dhe ujë që binte nga qielli. ”
