Justin Bieber u emocionua kur pa Rolls Royce-n e tij të ri. Këngëtari kanadez tashmë është pronari i makinës së personalizuar, e cila duket si një anije kozmike me rrota. Autori i hitit “Lonely” u përlot, kur pa makinën prej argjendi, për prodhimin e së cilës u deshën 3 vite.
“Çfarë, madje as nuk mund ta besoj”, u shpreh Bieber. Modeli unik u krijua nga West Coast Customs dhe dukej sikur është projektuar nga NASA. Themeluesi i kompanisë, Ryan Friedlinghaus zbuloi se iu deshën 3 vite për të krijuar makinën e ëndrrave të Bieber, shkruan abcnews.al.
Ai thotë se mbulimi i rrotave është në fakt një nga pikat kryesore të dizajnit unik, pasi “duket sikur makina lundron kur lëviz”. Bieber shprehu vlerësimin për mbulesat “e lëmuara” të rrotave, dizajnin e përgjithshëm futuristik dhe, sigurisht për sistemin pro audio që e kthen atë në një studio origjinale me rrota. /abcnews.al
