Papu Gomez u tregon argjentinasve situatën në Itali. Lojtari i Atalantës, pa u ndrojtur, shprehet se gjithçka duket si në një film horror. “Nuk është asnjë nëpër rrugë. Tifozët duhet të respektojnë rregullat”, shprehet fillimisht lojtari argjentinas.
“Janë hapur vetëm supermarketet, por porosinë mund ta bësh përmes internetit dhe ta sjellin në shtëpi. Rrugët janë bosh dhe është si një film horror. Nuk po e ekzagjeroj”, shton Papu Gomez për “Radio Club 94.7”.
Në fund ai lëshon edhe një mesazh për bashkëkombësit e tij: “Marrim lajme vazhdimisht nga Argjentina. Do të ishte mirë që njerëzit të fillojnë të marrin masat e nevojshme. Për momentin e kanë marrë një situatë të komplikuar shumë lehtë”. /abcnews.al
