Partia Republikane po zhvillon sot debatin e parë të kandidatëve të saj për zgjedhjet presidenciale 2024 pa ish-presidentin, i cili vendosi të mos marrë pjesë.
Trump njoftoi se nuk do të merrte pjesë në debatin, i cili fillon në orën 20:00 në Milwaukee, Wisconsin. Edhe pse ai është paditur për katër raste, miliarderi mbetet favoriti për të fituar nominimin republikan.
Si mundet që debati i parë i kandidatëve republikanë të zgjojë interesin e amerikanëve në mungesë të favoritit?
Kjo është sfida me të cilën përballet Fox Neës, rrjeti televiziv i preferuar i konservatorëve, si dhe vetë tetë kandidatët e tjerë, të cilët po luftojnë për të gjallëruar një mjedis politik dhe mediatik të fokusuar në aventurat gjyqësore të Trump.
Pra, debati rrezikon të kalojë në plan të dytë. Ditë e djeshme të martën, ish-presidenti amerikan shkroi në rrjetin social Truth:
“Do të jem shumë i zënë nesër mbrëma”.
Fituesi i zgjedhjeve paraprake republikane do të përballet me kandidatin demokrat, me gjasë Joe Biden, në zgjedhjet presidenciale të 5 nëntorit 2024.
Një ndeshje për të cilën Trump tashmë po përgatitet duke publikuar çdo ditë sondazhe që kanë të bëjnë me një betejë të re elektorale mes presidentit aktual dhe ish-presidentit.
Përveç kësaj, miliarderi republikan akuzon Biden, pa prova, se është përgjegjës për çështjet e tij ligjore.
Nga ana e tij, presidenti demokrat i është shmangur pyetjeve për çështjet penale të paraardhësit të tij, në përpjekje për të shmangur nxitjen e akuzave për instrumentalizimin e drejtësisë.
/abcnews.al
