Jonida Maliqi është një ndër artistet shqiptare që ka rënë gjithmonë në sy për stilin e veçantë që ka. Edhe pse prej kohësh ka qëndruar larg muzikës, këngëtarja shqiptare ka qenë gjithmonë pranë ndjekësve nëpërmjet rrjeteve sociale.
Këngëtarja po shijon disa ditë pushimesh në jug të vendit së bashku me partnerin e saj Romeo Veshaj, ku kanë ndarë shpesh foto dhe në Instagram krah njëri-tjetrit. Së fundmi, ajo ka publikuar disa foto teksa ka pozuar pranë detit. E veshur me një fustan të kuq ku duket mjaft tërheqëse, Jonida ka ditur edhe njëherë të tërheqë vëmendjen.
Kujtojmë që Jonida është përfolur prej kohësh për lidhjen e dashurisë me aktorin e humorit, Romeo Veshaj. Ata pranuan më në fund romancën pak muaj më parë, dhe që prej asokohe ata nuk ngurojnë të ndajnë momente krah njëri-tjetrit edhe në rrjete sociale. /abcnews.al/
