Aeroplanmbajtësja amerikane “USS Harry S. Truman” është urdhëruar që të qendrojë në Mesdhe bashkë me numrin e madh të anijeve dhe avionëve që e shoqërojnë duke hequr dorë kështu nga plani fillestar për kalimin në Lindjen e Mesme përmes kanalit të Suezit.
BREAKING: SECDEF Orders U.S. Carrier USS Harry S. Truman to Stay in Mediterranean to Reassure Allies — USNI Newshttps://t.co/PJosDtL1Dm pic.twitter.com/zpEM2Iqe0c
— USNI News (@USNINews) December 28, 2021
Sipas Usni.org, komanda e aeroplanmbajtëses mori urdhër direkt nga Sekretari i Mbrojtjes Lloyd Austin, i cili anuloi planet e saj për kalimin në Lindjen e Mesme.
Aktualisht, grupi i kryesuar nga “USS Harry S. Truman” ndodhet në detin Jon, vetëm pak milje në jug të Shqipërisë, në kufirin detar mes Italisë dhe Greqisë, raporton abcnews.al.
Gjithçka ndodh pas rritjes së tensioneve në kufirin mes Ukrainës dhe Rusisë. Amerikanët kanë shtuar ndjeshëm prezencën e tyre ushtarake në Europë dhe Mesdhe pas rritjes së tensioneve mes Ukrainë dhe Rusisë. Putini ka “parkuar” dhjetra mijëra ushtarë dhe mjete ushtarake vetëm pak kilometra larg kufirit me Ukrainën, një kërcënim i drejtpërdrejt ky për pushtim. /abcnews.al
