Dejvi Bregu është ende lojtar i lirë, edhe pse për të ofertat kanë qenë disa në Superiore dhe Kosovë. Sulmuesi opsion ka pasur disa propozime edhe nga jashtë vendit, por deri më tani nuk është konkretizuar dot një marrëveshje.
Në këto kushte ka tentuar të përfitojë Teutës, që sipas “Panorama Sport” i ka bërë një ofertë dhe tashmë mbetet të shihet nëse Bregu do të bindet të qëndrojë në Superiore. Durrsakët duan të ndërtojnë një ekip të fortë dhe të luftojnë për titullin kampion.
MIQËSORET – Pesë prej ekipeve të Superiore zhvillojnë sot miqësore. Spikat ndeshja mes Tiranës dhe Apolonisë, që do të luhet në “Selman Stërmasi”. E programuar është edhe Partizani-Dinamo, derbi i kryeqytetit që do të zhvillohet në Cërrik.
Kastrioti do të luajë në Lezhë sot, kundër Besëlidhjes që e pati rivale sezonin e shkuar në Kategorinë e Parë. Bylisi gjithashtu do të zbresë në fushë, këtë herë nga Bylisit. Në orën 10:00 zhvillohet edhe një miqësore tjetër, ajo mes Tërbunit dhe Korabit, kurse në 16:00 Vora-Besa. /abcnews.al
E shtunë, më 12 shtator
Ora 10:00 | Tërbuni-Korabi
16:00 | Vora-Besa
Ora 17:00 | Partizani-Dinamo
Ora 17:00 | Tirana- Apolonia
Ora 17:00 | Besëlidhja-Kastrioti
Ora 17:00 | Bylisi-Tomori
