Pandemia e koronavirusit ka ndikuar që të mos dhurohet “Topi i Artë” këtë sezon, çmim që e jep “France Football” për futbollistin më të mirë të vitit. Revista franceze ka vendosur të zgjedhë “Golden Ball Dream Team”, ceremoni që po mbahet në këto momente për të nderuar më të mirët e historisë së futbollit, të cilët zgjidhen nga 140 gazetarë sportivë.
⭐After the votes of 140 journalists from all around the world, here is the #BOdreamteam with 11 best players of all time ! ⭐ pic.twitter.com/FsKAoSyGZL
— France Football (@francefootball) December 14, 2020
Portieri më i mirë është zgjedhur Lev Yashin. Rusi është i vetmi “gardian” që ka fituar “Topin e Artë”, teksa sot është shpërblyer si portieri më i mirë i historisë së futbollit. Kalojmë te mbrojtja: qendra më e mirë është zgjedhur Franz Beckenbauer.
The best goalkeeper (1) and best defenders (3) of all time elected by our jury of 140 journalists !#BOdreamteam
⏱️ 5pm : defensive (2) and offensive (2) midfielders
⏱️ 6pm : forwards pic.twitter.com/WPrs3ZQc2S— France Football (@francefootball) December 14, 2020
Legjenda gjermane ka fituar gjithçka me Bayern Munchen, teksa është shpallur kampion bote me Gjermaninë, si lojtar dhe si trajner. Në krahun e majtë të mbrojtjes një tjetër legjendë. Më i miri në linjën e majtë është Paolo Maldini, ish-kapiteni unik i Milanit dhe Italisë dhe idhulli i miliona tifozëve.
Trofe pafund për italianin, ku bie në sy fitimi i 5 Champions League. Në të djathtë një brazilian. Cafu ka fituar garën me rivalët. 2 herë fitues i Botërorit me Brazilin, teksa Cafu mbahet mend për spektaklin e dhuruar në krahun e djathtë dhe faktin që ka luajtur 3 finale kupa bote radhazi (1994, 1998, 2002).
Kalojmë në mesfushë, aty ku janë zgjedhur Lotthar Matthaues, Xavi, Diego Armando Maradona dhe Pele. Gjermani, fitues i “Topit të Artë” dhe Botërorit me Gjermaninë, dhe disa trofeve me Bayern Munchen dhe Interin, është zgjedhur mesfushori defensiv më i mirë në histori.
The best defensive (2) and offensive (2) midfielders of all time elected by our jury of 140 journalists !#BOdreamteam
⏱️6pm : forwards pic.twitter.com/OMwn58Quh3
— France Football (@francefootball) December 14, 2020
Në formacionin më të mirë edhe Xavi, ish-mesfushori i madh spanjoll, i cili ka fituar gjithçka me Barcelonën dhe kombëtaren e Spanjës (Kupë Bote dhe Europian dy herë). Më sipër dy legjenda: Diego Armando Maradona dhe Pele, lojtarë për të cilët nuk ka nevojë për koment dhe shumëkush i cilëson si dy më të mirët e lojës më të bukur me top.
The best forwards of all time elected by our jury of 140 journalists to end our #BOdreamteam ! pic.twitter.com/YVlfoik0MI
— France Football (@francefootball) December 14, 2020
Si argjentinasi edhe braziliani janë zgjedhur si mesfushorë ofensivë në formacionin më të mirë të historisë. Kalojmë në sulm, aty ku nuk ka surpriza. Leo Messi dhe Cristiano Ronaldo nuk mungojnë në këtë repart. Fituesit e 11 “Topave të Artë” janë zgjedhur sulmuesit e krahut më të mirë të historisë, teksa qendra e repartit plotësohet nga Ronaldo Fenomeni, një futbollist magjik, dy herë fitues i “Topit të Artë” dhe po kaq herë i Botërorit me Brazilin.
“Golden Ball Dream Team” (3-4-3): Yashin (Rusi); Cafu (Brazil) – Beckenbauer (Gjermani) – Maldini (Itali); Matthaus (Gjermania) – Xavi (Spanjë) –Maradona (Argjentinë) – Pele (Brazil); Messi (Argjentinë) – Ronaldo (Brazil) – Cristiano Ronaldo (Portugali). /abcnews.al
